"Dəyirman" qrupu səhnə fəaliyyətinin 10 illiyini qeyd edəcək
Dəyirman" qrupu səhnə fəaliyyətinin 10 illiyini qeyd edəcək.
Bu münasibətlə onlar bir araya gəlib, konsert verəcəklər. Qrup üzvü Yusifin sözlərinə görə, Azərbaycanda fəaliyyət göstərən rep qrupları arasında ən uzunömürlüsü «Dəyirman»dır.
O, bunu fəxrlə qeyd edərək sadiq dostlar olduqlarını vurğuladı: «Düzdür, Anar işi ilə əlaqədar sıralarımızdan ayrıldı. Amma onun bu gedişi birdəfəlik olmadı. Lazımi vaxtlarda görüşüb birgə qərarlar qəbul edirik». Qrup üzvünün əlavəsinə görə, yubiley tarixi ilə əlaqədar təşkil olunacaq konsertdə rep dinləyiciləri çoxdan ifasını eşitmədikləri Anarı da dinləyəcəklər. Proqram üzərində çalışan «Dəyirman»çılar repertuara bir sıra duetlər də daxil ediblər. Konsertdə qrup üzvlərinin Sevda Ələkbərzadə, Tünzalə Ağayeva, Röya və bir sıra müğənnilərlə birgə yazılacaq duet mahnıları da səsləndiriləcək.